🙋‍ Өглөөний мэнд хүргэе 07 : 00 AM

 Юуны өмнө өврийн сайхан хангайн гайхамшигтай ажилсаг, хүчирхэг , үзэсгэлэнт бүсгүйчүүдийнхээ түмэн амар амгаланг айлтгая!
 Хүн бүр өөр өөр, өвөрмөц онцлог, давтагдашгүй амьдралтай, өөрийнхөө сонгодог зохиолын гол баатар болохоор яаж бодох, яаж амьдрахыг зааж загварчилах эрх хэнд ч байхгүй бас боломжгүй билээ. Хэдий тийм боловч цаас нимгэн ч чичихээс нааш цоордоггүйтэй адил дараах чимх мэдээллийг та бүхэнтэйгээ хуваалцья даа . Өөр өөрийнхөөрөө болгооно биз дээ хөөрхөнүүд минь!

 Өөртөө итгэлтэй эмэгтэй 10 шинж
Өөрийнхөө өвөрмөц наад зах нь 2-3 авьяас билгээ танин мэдсэн бол
Өөрийн авьяас, сонирхол, зах зээлд нийцсэн мэргэжлээ оновчтой сонгосон бол
Өөрийнхөө дуртай, хийх ёстой ажлаа хийж байгаа бол
 Өөрийнхөө ажил мэргэжлийн байх ёстой газраа эзлэн ажиллаж байгаа бол
Өөртөө тохирсон ханиа сонгоод өдөр бүр зүрх сэтгэлээ цэнэглэдэг, бас түүнийгээ цэнэглэдэг, харилцан ойлголцож, хамтдаа асуудлаа шийдвэрлэж чаддаг бол
Өөрийгөө хайрлаж, өөртэйгээ найзалдаг, өөрийгөө үргэлж эерэг давуу талаа өнгөлдөг бол
Өөрийнхөө юу хүсэж мөрөөддөг, юуг хамгийн сайн чаддагаа мэддэг бол?
Өөрт тохиолдсон бэрхшээлийг сорилт, түүнийгээ даван туулах гарцыг үргэлж хайж олж чаддаг бол ?
Өөртөө бодох, гуниглах, уйлах, эрхлүүлэх, эмчлэх, арчлах боломж олгож, өөрийгөө хүндэлдэг, өөрт нь санаснаас олон хүн хайрлаж, итгэдгийг мэддэг бол?
️Өөрийнхөө амьдралын бүтэлгүйтэл, сул дорой, эмзэгхэн байдлаа хүлээн зөвшөөрч, өөрийгөө уучилж, өршөөж, түүнийг ээ даван туулах, дасан зохицох эрчим хүчээ нөхөн сэргээж чаддаг бол

👱‍ ТА ӨӨРТӨӨ ИТГЭЛТЭЙ, СЭТГЭЛ БҮТЭН, ИТГЭЛ ТӨГС ЭМЭГТЭЙ ЮМ.

 Өөртөө итгэлгүй, өөрийгөө хүндэлдэггүй 7 дорд шинж ️
Үргэлж өнгөрсөн амьдралдаа харамсаж, хэн нэгэнд гомдож явдаг бол
Үргэлж бусдыг буруутгаж, шүүмжилж, бусдын амжилтанд эмзэглэн уурсаж атаархдаг бол
Үргэлж өөрийгөө дорд үзэж, үл хүндэтгэж, өөрийгөө хүчирхийлүүлэх, шударга бусаар ашиглуулахыг зөвшөөрдөг бол
Үргэлж өөрийгөө бусдаас азгүй, дорой гэж хамаг муу муухай үгээр өөрийгөө булж харааж, зүхэж, зожигорч, “хар нүхэнд өөрийгөө түгждэг” бол
Үргэлж зөвхөн өөрийнхөө өнцгөөс харж, хувиа бодож, бусдыг хуурч мэхлэн, муулдаг, хэрүүл тэмцэл хийж, зодоон цохион хийдэг бол
️Үргэлж өөрийгөө бусдын зугаа цэнгэлд зориулагдсан мэт архидан мансуурч, үнэ цэнэгүй бэлгийн харилцаанд хэзээд бэлэн байдаг бол
️Үргэлж өөрийгөө , гэр бүл, үр хүүхэд ханиа ч үл ойшоон мэдрэмжгүй, хил хязгаар, дэг журамгүй, хайш яйш бохир, эмх цэгцгүй байдаг бол

 За бүсгүйчүүд минь
Үхэшгүй мөнхийн цагаан уул цэцэг шиг өвөл зунгүй дэлгэрч яваарай!